منتدي حلم القمر :: Moon Dream

اهلا ومرحبا بك فى منتدى حلم القمر اذا كانت هذه زيارتك الاولى فيرجى التكرم بالتسجيل التسجيل سيمنحك صلاحيات اكتر فى المنتدى لو عايز تشارك مع اعضاء المنتدى يلا بسرعه مستنى ايه سجل معانا اما لو كنت عضو فى اسرتنا فتفضل بتسجيل الدخول
منتدي حلم القمر :: Moon Dream

اهلا ومرحبا بك فى منتدى حلم القمر اذا كانت هذه زيارتك الاولى فيرجى التكرم بالتسجيل التسجيل سيمنحك صلاحيات اكتر فى المنتدى لو عايز تشارك مع اعضاء المنتدى يلا بسرعه مستنى ايه سجل معانا اما لو كنت عضو فى اسرتنا فتفضل بتسجيل الدخول
منتدي حلم القمر :: Moon Dream
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدي حلم القمر :: Moon Dream

هنا.......نلتقي لنرتقي معا
 
الرئيسيةالرئيسية  أحدث الصورأحدث الصور  التسجيلالتسجيل  دخولدخول  

 

 البشرة كلاكيت تانى مرة بس عشان خاطر الشتاء

اذهب الى الأسفل 
كاتب الموضوعرسالة
كل قلب وله حبيب
الاداره
الاداره



ذكر
عدد المساهمات : 85
نقاط نشاط العضو : 281
مستوى تقييم العضو : 0
تاريخ التسجيل : 04/08/2010

البشرة كلاكيت تانى مرة بس عشان خاطر الشتاء Empty
مُساهمةموضوع: البشرة كلاكيت تانى مرة بس عشان خاطر الشتاء   البشرة كلاكيت تانى مرة بس عشان خاطر الشتاء Icon_minitime1الخميس فبراير 24, 2011 3:58 pm


طبعا البشرة اهتمامنا بيها فى الشتا هيكون غير باقى فصول السنة وخاصة البشرة المختلطة فى الصيف

وشديدة الجفاف فى الشتا واللى بيطلعلها حبوب ( زيى كدا )

فهنعمل برنامج عناية ( شهرى - اسبوعى - يومى )
نظمنا بيعتمد على العناية الكاملة بمشاكل البشرة من ( حبوب - جلد ميت - بهتان - اسمرار )
والهدف المطلوب اننا تبقى بشرتنا ( نضيفة - منورة - مفهاش حبوب - تفتح ومتغمقش )
يالا نبتدى :

النظام اليومى:

صباحااااااااااا

1- غسول : اى نوع ترتاحى ليه والافضل :
(جت فريش من ماى واى ب 7جنية - غارنية لايت ب 9 جنية - جونسون ب 14 جنية - وفى نوع هايل جديد من افون غسول ومرطب وتونر دا بيغنى عن اى حاجة وهتلاقيه الشهر دا حوالى ب 13 جنية )


2- تونر: قابض ومرطب لو هتخرجى من الساعة 9 الصبح لحد العصر والافضل افون كلير سكين الشهر دا ب 15 جنية

بس ممكن يعقد معاكى 8 شهور ولا حاجة ملحوظة بس ان شكله اتغير عن الصورة دى خله شكل العلبة احلى
3- كريم نهار : والافضل : (افون سليوشن ب 25 جنية - بوندز ب 35 جنية - جونسون ثلاثى التأثير ب 18 جنية)
4- الميكب :الصبح يكون خفيف ( باودر عادية مائية نووووووو - بلاشر خفيف - كحل ومسكرة - روج لون خفيف )

مساءا

1- مسح الوجه بمناديل الاطفال اللى بالكريم ايزى احسن حاجة ب 3 جنية بجد احسن حتى من بتاعة الميكب ولو بتاعة الميكب يبقى ياريت معاها زيت زيتون او مزيل مكياج وممكن الاكتفاء بيها وهى ب 2.5جنية 15 منديل

2- غسل الوجه بصابونة ( داى لايت ب 10 جنية او - سموز فيس ب7.5 جنية)
3- تونر كلين اند كلير المنظف للبشرة الحساسة ب 10 جنية بردوا هيعقد كتييييير ياعنى 7 او 8 شهور


4- وضع المرطب والافضل بجد فى الشتاء ( جونسون بيبى الوردى ب 10جنية م كبيرة زيت سمسم )
دا بقى وهم فى الترطيب والتفتيح وممكن بردوا - مينك بالجلسرين - او اى نوع ترتاحى ليه
قبل النوم ،،،،،،،،،،،،

1- غسل الوجه بالغاسول
2- وضع مرطب وبلاش كريمات الليل عشان بتطلع حبوب وزى ما قولنا جونسون بيبى فظييييييع
بعد اضافة زيت سمسم

هنيجى ل النظام الشهرى ،،،،،،،،،،،،،،،،،،،

1- غسل الوجه بصابونة طبية زى سموز فيس او داى لايت

2- وضع ماسك بالطمى المغربى وفيه انواع كتييير هاتى اى نوع وفى من افون بالطمى كلاى ماسك حلو ب 12 جنية
وتعرضى وشك للبخار اثناء ما انتى حاطة الماسك على وشك( شوفت الحركة دى فى كوافير ) وبعدين تسيبى
الماسك ينشف وتغسلية بالمية الدافية

3- ماسك تفتيح والافضل سو برايت من ماى واى

او اى ماسك تفتيح طبيعى (دقيق نعناع جاف )
وهنكتفى بماسك للتفتيح مرة واحدة بس عشان البشرة مش بتسمر اوى فى الشتا

4- وضع المرطب فى الاخر خاااااااااااااالص بعد ما نغسل وشنا
النظام الاسبوعى هنختار يومين وليكن الاتنين والخميس

الاتنين

1- سكرب اى نوع ترتاحى لية والافضل
(اصالة ب 9 جنية- مينك بزيت العنيبة واللوز ب 6جنية- غسول جونسون المقشر ب 14 جنية ودا الافضل)
واهم حاجة السكرب يكون كريمى بلاش الحاجات اللى بالمنتول زى افون بتبهدل الوش فى الشتا

2- وضع الماسك دا ( م ترمس مطحون م زبادى 3نقط عصير ليمون م دقيق )لحد ما ينشف على الوش
الماسك دا مناسب لجميع انواع البشرة بجد تحفةةةةةةةةةةةةةةة بيعمل كل حاجة ( نضارة - بياض - روقان - ترطيب)3- بعد غسل الوجه وضع مرطب

الخميس

1- ماسك بيل اوف والافضل:
( مينك بالزبادى او العسل ب 6 جنية - ريدى بالاعشاب ب 6 جنية - افون ب 12جنية)

2- بعده ماسك ترطيب لو الوش بينشف اوى( م زبادى م عصير ليمون صغيرة م دقيق )
الماسك هوهو اللى فات من غير ترمس دا بيفتح جدا وبيرطب اوى

دا يا جماعة النظام بتاع العناية بتاعنا

وفى شوية ملحوظات،،،،،،،،،،،،،،،،،،

1- زيت السمسم بيفتح البشرة جدا وبيروقها وبيناسب البشرة الحساسة لما بيتحط على كريم بيبى جونسون بيبقى خرافى
2- ياريت نشرب ميه كتير ياعنى لو بعد كل صلاة شربنا كوباية هيبقوا 5 غير 3 كوبايات تانية وزعيهم على اليوم
ودى ضرورى عشان الشتا

3- فايدة ماسك الترمس بالزبادى ( تفتيح - ازالة اثار الحبوب- تأخير نمو الشعر- ترطيب - ازالة القشور )
4- فايدة ماسك الزبادى والدقيق ( تفتيح - ترطيب ) والماسكات دى بتناسب جميع انواع البشرة

5- الافضل فى ازالة الميكب مناديل الاطفال عشان فيها كريم واخف على البشرة واحسن نوع ايزى بجد

6- اهم فيتامين بتفتيح البشرة فيتامين c ياعنى احنا موسم البرتقال ياريت لو تخلى فى فطارك عصير برتقال
او العشا تاخدى برتقالة - وممكن تجيبى شريط فيتامين C من الصيدلية ب 9 جنية تقريبا بس الطبيعى افضل
والافضل من البرتقال الكيوى فيه فيتامينات ملهاش حل وخاصة فيتامين c اضعاف النسبة فى البرتقال

7- الزبادى وما ادركى ما الزبادى يا سلام لو تقدر تتعشى زبادى بالعسل كدا مع برتقالة وطبق سلطة
واعتبريه علاج هتلاقى بشرتك بقت وهم ومفهاش اااااااااااااااااااااااااااااااااى عيب وحلو للى بتعمل دايت كمان
انافى رمضان اللى فات لما كنت بتسحر كل يوم زبادى بجد وشى اختلف جدااااااااااااااااااااااااااا

8- فيه مضادت اكسدة زى الشاى الاخضر خطيييييير للبشرة ورخيص جدا وفى كل حتة وعند اى محل
كوباية فى اليوم هتعمل البدع - وكمان الفرولة فيها مضادات اكسدة رهيبة

دا يا جماعة نظتم اهتمام بالبشرة فى الشتاء وعلاج لاسمرار البشرة بجد تحفةةةةةةةةةةةةةة
الرجوع الى أعلى الصفحة اذهب الى الأسفل
 
البشرة كلاكيت تانى مرة بس عشان خاطر الشتاء
الرجوع الى أعلى الصفحة 
صفحة 1 من اصل 1
 مواضيع مماثلة
-
» سحر الشتاء والثلج في مدينة لا بلاني La Plagne
» أعشاب عالج بها النبي صلى الله عليه وسلم (إنقاص الوزن .. البشرة .. الشعر

صلاحيات هذا المنتدى:لاتستطيع الرد على المواضيع في هذا المنتدى
منتدي حلم القمر :: Moon Dream :: منتديات حــواء :: منتدى العناية والجمال-
انتقل الى: