الا يـــــــــــــــــــــــدى

لازم نهتم بيها عاوزين ايدينا ( ناعمة - طرية وكلها حنية )


بس لااااااازم نتفق على قواعد نمشى عليها اوك يالا :

1- قبل ما تتعرضى للميه ادهنى ايدك فازلين خلى العلبة فى المطبخ

(((اشمعنا فازلين لانه مش بيتفاعل مع الصابون بسهولة فايدك مش هتبوظ من الصابون السايل)))

2- وياريت لو فدرتى تلبسى جوانتى لو ايدك هتطول فى المية يبقى افضل بكتيييييير بس عارفة ان الموضوع صعب شوية


3-هنجيب طقم مبارد للاظافر كامل ( المبرد - مبرد التلميع - الة ازالة الجلد الميت )

انا عندى الطقم دا وطقم بيشتغل بالحجارة جميل جدا وكان جايلى هدية بس دلوقتى بيتباع ب 17 جنية ممكن من المول هنا

4- كريم للايدى والاظافر فى ماى واى ب 4.25 جنية - اماندا بالكرياتين ب 11.5 جنية - افون فى حدود 12 جنية
(((
طب اية لازمته لا دا مهم جداااا عشان الاظافر فعلا بيحسنها كتير خاصة اللى ضوافرها بتتكسر بسهولة

وبردوا للى ايدهم فى المية كتير)))


طيب هندخل على خطوات العناية بردو ا فى( يومى - اسبوعى)

المرة دى هنبدأ بالاسبوعى،،،،،،،،،،،،،،،،،،،،،،،،،،،،،،،،،،،

1-هنجيب طبق غسيل صغنن فيه( مية سخنة على قد التحمل م شبة مطحونة اى نوع شامبو ولا شاور

"- انا جايبة شامبو ب 2.5 جنية لليدين والرجلين - " م زيت زيتون )تسيبى ايدك فيه منقوعة 10 دقايق بالكتير

طبعا فى الوقت دا تكونى ناقعة رجلك بردوا فى مية سخنة بنفس الخلطة ممكن وانتى بتتفرجى على المسلسل ولا حاجة


2- بعد ما نطلعها هنصنفرها بأى سكرب عندنا فى (انجى بالمشمش) حلو اوى للايد وعلبة كبيرة اوى وب 5 جنية

خليها بردوا للايد والرجل هتكفى ولا 4 شهور( وبلاش سكر وزيت زيتون بصراحة بستحرم السكر غلى )

3- بعد ما نشطفها الخطوة دى اختيارى ( احط ماسك التفتيح من ماى واى )

4- بعد التجفيف وبعد ما تخلصى حمامك الاسبوعى هاتى طقم المبارد وتعالى بالترتيب ( قص الاظافر بالقصافة اللى مكسورة - برد الاظافر عادى- ازالة الجلد الميت - تلميع الاظافر ) او قبل الحمام اللى يريحك وخليها وانتى بتسمعى درس ولا حاجة ولا بتشوفى مسلسل فى التلفزيون عشان الوقت بالمرة

5- وبعد ما نخلص طبعا هنحط كريم الايدى والاظافر اى نوع تحبيه انا بحب اوى امانداترطيبه رهيب

وبيدى لمعة للاظافر ولا مقوى الاظافر ومش بيتمسح

كدا خلصنا نظامنا الاسبوعى لو داومتى علية كل مشاكل ايدك هتخلص بالكامل النتيجة ( ايدك ناعمة جدا - طرية- مفهاش اى غمقان - ضوافرك جميلة جدا ولامعة )


طيب هنيجى للمتابعة اليومية ،،،،،،،،،،،،،،،،،،،،،،،،،،،،،،

1- بعد الوضوء هتحطى كريم الايدى والاظافر على الاقل مرتين فى اليوم

2- قبل المواعين هتدهنى ايدك فازلين او قبل المسح لانه والله بيبهدل الاظافر خااااالص

4- بعد ما تخلصى اى حاجة من دول بنص لمونة وتدعكى ايدك وضوافرك بيها وبعصيرها

5- قبل ما تنامى لااااااازم تدهنيها كويس كريم الايدى والاظافر



كدا احنا خلصنا حلقة الايدى وانتظرونى فى باقى اجزاء عناية الجسم